ኩሉና ከምእንፈልጦ ኣብዚ ግዜዚ ኣብ ምድርና ዘላ ማሕበር ክርስቶስ ኣብ ከቢድ ስደትን ነቐፋንያ ዘላ: ስልዚ አቲ ኣብ ምድርና ዘሎ ስደት  ከብቅዕ እንዳጸለና ነቶም ብሓቂ ዋጋ እንደኸፈሉ ዘገልግሉ ዘሎው ኣገልገልትን ማሕበራትን ምውዳብን ኣድላይ ዝብሃል መንፈሳውን ቁሳውን ሓገዝ እንደገበርካ መንግስቲ ኣምላኽ ከስፍሑ ምዕጣቕን ምፍጣንን።

ወሎዶ ምትንሳእ: ብዙሕ ጸጋ ዘለዋም ግን ብብዙሕ ዝግፍዑ መንእሰያት  ሓብሒብካን የዕጢቅካን ንዕዮ ወንጌል ምውፋር::

መራኸቢ ብዙሃን (Media): ብዝተኻእለ መጠን ዓቅምና ብዝፈቅዶ ምደበር ተለቨዝን ብምኽፈት ነቲ ኣብ ዓድና ዘሎ ህዝብና ንምግልጋል ኣብ ምሽብሻብ ኣለና::

1. እዚ ኣብ ምድርና ዘሎ ናይ ክርስትና ስደት ምስ ኣብቅዐ ኽኣ ነዚ ተፈጢሩ ዘሎ ዓቢ መንፈሳውን ስጋውን ጋግ ወይ ሃጏፍ ንምጽጋን ኣብ ነብሲ ወከፍ ከተማታትንን ዓድታትን ዝተፈላለዩ ኮንፈረንሳትን ስልጠናታትን ብምድላው: ንኩለን ብሄራት ኤርትራ ብወንግል ምብጻሕ::

2. ንዚ ዕዮ እዚ ንምትግባር ክኣ ኣብ ኣስመራን ካልኦት ንኣሽቱ ከተማታት ኤርትራ መጽሓፍ ቅዱሳዊ ፍውስን: ምንጋፍን ትምቢትን (BIBLICAL HEALING, DELIVERANCE & PROPHECY SCHOOL) ካልእ ዝተፈላለዩ ስልጠናታት ዝውሃበለን ማእከላት ምምስራትን ምድንፋዕን።

1. ነቶም ኣብ ብጎይታ ዝኾኑ ከምዚ እነገልግሎ ዘለና ብቃል: ብምንጋፍ: ብፈውስን ትምቢትን ብዝማዕበለ መራኸቢ ብዝሃን ብዝዓዘዘ መንገዲ ምግልጋል::

2. ነቶም ኣብዚ ደምበ እዚ ጎይታ ዝተቀበሉ ግቡእ ብዝኾነ ትምህቲን ምክታልን እንዳገበርና ምስቶም ኣብቲ ዓዶም ዘለው ኣገልገልትን ቤተክርስትያንን እንዳኣራኸብና ተጠሚቆም ተዘገልግሉ ባይታ ምፍጣር::

3. ነቶም ናብ ጎይታ ዝተመለሱ ኽኣ ከምዚ ጀሚርናዮ ዘለና ብትምህርትን ማዕዳን ኣበርቲዕና (ኣነቓቒሒና) ናብ ቤተክርስትያኖም ተመሊሶም ብዝተሓደስ መንፈስ ከምዘገልግሉ ምግባር::

4. ነቶም ኣብ ኣፍሪቃ ማለት ኣብ ዩጋንዳ: ኬንያ: ግብጺ ብፍላይ ክኣ ኣብ ሱዳንን ኢትዮጵያን ዘለዉ ስደተኛታት ትግርኛ ተዛረብቲ የሕዋትና ኣብ ዓመት ሓንሳብ ወይ ክልተ ሳዕ እንደኸድና ናይ ምንጋፍ: ፈውስን ትምቢትን ኮንፈረንሳት ብምክያድ ምንቕቓሕ.

5. ዝተፈላለየ ኣይነት ሓጸርቲ ናይ ኣገልገልቲ ስልጠናታት ምሃብ.

6. ከምእውን ዓቅምና ዝፈቀዶ መሰረታዊ ዘድልዮም ዘበለ ረዲኤት ወይ ሓገዝ ምግባር